Nnâ notti ntra u 9 e u 10 di giugnettu dû 1943 accuminciò l’Operazione Husky. Stu nomu ìnnica u sbarcu dî l’esercito anglu-miricanu nnâ Sicilia, ca accuminciò ntra Licata e Cassìbbili, vicinu Saragusa.
Ḍḍa notti, chiossai di 180.000 òmini ntra surdati ´ngrisi e ‘miricani sbarcaru nni l’ìsula: fu u cchiù granni sbarcu dû mari fattu nfinu a tannu.
A battagghia pi pigghiari a Sicilia durò na misata: u 22 giugnettu i surdati pigghiaru Palermu, u 5 austu Catania e u 17 agustu a Missina.
Husky rapprisintò pâ nostra ìsula u passaggiu dû cumannu militari e pulìticu fascista a chiḍḍu ‘miricanu.
