Dû 3 ô 7 sittèmmiru dû 1848 Missina fu tiatru di vastunati ntra i siciliani ca cummattìanu pi l’innipinnenza e l’esèrcitu borbonicu, ca si vulìa pigghiari arrè a cità doppu ca l’avìanu jittatu fora.
A addifinènniri Missina c’eranu milli picciotti, oji canusciutu nnî libbra di storia comu i Camiciotti pi comu si vistìanu.
U 7 sittèmmiru, ntra a battaghia chiù tinta contra i Burbuna, i Camiciotti nmeci di arrènnirisi mpacciu ô nimicu, si vòsiru abbiari nnô puzzu dû Monasteru dâ Maddalena.
Su picca nnâ storia nostra l’esempi d’amuri pâ libbirtà e pâ Sicilia comu chistu. Arricurdàmuni dî Camiciotti, ca appizzaru a vita pâ terra nostra.
