Antonio Pasqualino nascìu jornu 16 d’agustu dû 1931, e doppu ca si pigghiò a lauria ‘n midicina e doppu na para di autri tìtuli, s’addidicò a jùnciri u so travagghiu cu l’amuri pi l’antrupuluggìa e a curtura pupulari.
Scantatu dû rìsicu dâ scumparsa di l’Òpira dê pupi, Pasqualino, nzèmmula a so muggheri Janne Vibaek, accuminciò arricògghiri carti e matiriali lijati a stu tiatru, sarbannu i stori dî Cruciati e dî Paladini dâ Francia.
U so travagghiu u purtò, nnô 1965, a fari nàsciri l’Assuciazzioni pi sarbari i tradizzioni pupulari e, deci anni doppu, u Museu Ntirnazziunali dî Pupi a Palermu, ca ancora oji avi u so nomu.
