U 4 uttùviru dû 1818 nascìu a Ribera ḍḍu curnutu di Francesco Crispi, tradituri dâ so terra comu mai cci nn’ànnu statu.
Di quannu turnò ô guvernu nnô 1893, nfatti, cummattìu contra ê rivoti e i prutesti dû pòpulu ‘n Sicilia, propia iḍḍu ca nni l’ìsula avìa nasciutu pi doppu vutàrici i spaḍḍi.
‘N Sicilia chisti èranu l’anni dî Fasci siciliani, un muvimentu ca nascìu a Catania nnô 1891 contra ê cunnizzioni ladi dî travagghiatura pi curpa dû Statu talianu.
Doppu anni di granni rivugghi, fu u stissu Crispi a sciògghiri i Fasci e, cû statu d’assediu, a pigghiari e ammazzari assa’ travagghiatura.
Na riprissioni forti, pirciò, fatta di n’omu ca nun sulu tradìu a so terra, ma macari a strazzò e ci caminò di ncapu, scigghiennu di futtirisinni dî prubblemi dî siciliani comu a iḍḍu.
