Francesco Ingrassia, còmicu, atturi e riggista sicilianu, nascìu a Palermu u 5 d’uttùviru 1922.
Nascìu dintra na famigghia pòvira, di picciottu fici assai travagghi pi putiri campari, nzinu a quannu nnô 1944 si mmintò u triu Scambetta cu autri picciotti.
Accuminciari di l’anni Cinquanta canuscìu a Francu Franchi e cu iḍḍu si misi a travagghiari pi quasi ca tutta a so vita, facennu macari 132 film.
Nni l’anni travagghiò cu riggisti comu Pasolini, De Sica, Bava e Fulci, ‘n assai cummedi. Sti firm quasi ca sempri foru fatti cu picca mezzi, e spissu mpruvvisati, addimustrannu ca a fari arrìdiri iḍḍi du’ sâ spidugghiàvanu.
Nnâ so longa carrera si fici amari dû pùbblicu e dî culleghi, vincennu macari mpurtanti premi pî film “Condominio” e “Todo modo”.
