U 14 di giugnu dû 1968 mori Salvatore Quasimodo, puèta ermèticu sicilianu e premiu Nobel pâ littratura.
Nascìu a Mòdica, nnâ pruvincia di Ragusa, Quasimodo criscìu a Roccalumera, ca era u pajisi dâ so famigghia. U tirramotu di Missina dû 1908 u signò nna l’arma e fu tannu ca scrissi i so versi. Quannu finìu di studiari, niscìu di l’ìsula.
A so terra d’uriggini ci arristò sempri cara. Â Sicilia nfatti ci didicò assai puisìi. Di “Terre e acqua” passannu pi “Oboe summersu”, nzinu a “Terra impareggiabile”, a Sicilia fu pi iḍḍu a banna dû cori, sìmmulu di na filicità ca passò nn’arreri.
Sunnu i cunti di na terra cu un passatu gluriusu, ntra miti e pòpuli antichi, c’arriva â suffirenza. A so puisìa, china china di temi sociali e etici, desi lustru a nostra storia.
