U 14 uttùviru dû 1690 nascìu a Catania Olivio Sozzi, unu dî cchiù granni pitturi siciliani dâ prima metà dû Settecentu.
Ntra i so travagghi cchiù mpurtanti ci su i vintisei affreschi ca fici pâ Basilica di Santa Maria Maggiuri di Ispica.
Chisti su accussì mpurtanti nnô munnu di l’arti ca nu disegnu dû quatru ô centru s’attrova nnô Museu Louvre di Parigi.
I so òpiri s’attròvanu dintra tutti i banni dâ Sicilia, di Palermu a Sarausa, di Missina a Castrugiuvanni, arricurdànnuni macari oji quantu amuri ci misi nnâ so arti.
Ma vuliti sapiri picchì ci dicinu “l’artista di l’ùrtima pennellata?” Si cunta ca murìu cadennu mentri ca addipingiva u Trionfo dell’Assunta, lassannu na striscia nivura nni l’affrescu.
