Filippo Paruta, ca murìu a Palermu u 15 uttùviru dû 1629, fu un numismàticu e archiòlogu sicilianu.
Di na famigghia nòbbili, fu macari sìnnacu di Mazara e secretariu dû Senatu di Palermu dintra â spiḍḍuta dû ‘500 e i primi anni dû ‘600. Grazzi a stu travagghiu, Paruta s’attruvò ô centru dâ vita curturali dâ cità di Palermu.
L’arricurdamu macari pâ sò pubblicazione dû 1612: “La Sicilia descritta con medaglie” na cugghiuta di pìcciuli antichi ca fici addivintari u Paruta assai canusciutu, facennu stampari a so òpira macari a Roma e a Lione.
