U 17 di giugnu dû 1945 murìu Antonio Canepa, canusciutu cu nomu di battagghia di Mario Turri, prufissuri e cumannanti dî l’Esercitu Vuluntariu pi l’Innipinnenza dâ Sicilia.
Ḍḍa matina, mentri s’attruvava nâ strata di Cesarò pi Randazzu, na cuntrata Murazzu Ruttu, i carabbunera l’abbloccaru. Sùbbitu s’accuminciò a sparari, e mureru u studenti Giuseppe Lo Giudice, Carmelo Rosano, ca avìa sulu diciott’anni, e Canepa stissu.
U rolu ca appi Canepa nnâ storia dâ Sicilia arresta ancora vivu. Sulu na strata c’è pi canciari u distinu dâ nostra terra: l’innipinnenza.
Pi aviri pi na bona vota na Sicilia «pacifica, laboriosa, ricca, senza tiranni e senza sfruttatori».
