L’Università dî Studi di Catania, funnata u 19 d’uttùviru 1434, è a cchiù antica dâ Sicilia.
Nascìu quannu u re di Spagna e Sicilia, Alfonzu d’Aragona, auturizzò a funnazioni e appi prestu u privileggiu di assignari tìtuli di studiu diversi: licenzi, baccalauriati e laurii. Quannu grapìu i facultà èranu sulu tri: tiuluggìa, liggi, midicina e arti.
Nzinu ô tràsiri di l’Ottucentu, pi quasi quattru sèculi, Catania appi l’anuri di èssiri l’ùnica Univirsità nnô Regnu di Sicilia e macari oji àvi granni mpurtanza, ‘un sulu pâ grannizza dâ so storia.
