Luigi Maria Burruano, ca nascìu a Palermu u 20 uttùviru dû 1948, fu n’atturi dû tiatru e dû cìnima.
“Palermo oh cara!” di Burruano fu una di l’òpiri di tiatru cchiù mpurtanti d’iddu: n’òpira ca cunta ‘n sicilianu nzoccu succidìa nnî riuna di Palermu ntra l’anni 70 e l’anni 80.
Ccà Burruanu fa u pirsunaggiu du Rancutanu, nu strozzinu addisiatu di pìcciuli e ca ‘un talìa ‘n facci a nuddu. U’ Rancutanu piacì accussì assai ê cristiani ca stu nomi Burruano sû cunnucì pi tutta a vita.
Chistu picchì u tiatru di Burruano, unni attruvamu macari Scaldati, Sperandeo, Quattrocchi, era nu tiatru unni Palermu si facìa abbìdiri pi chiddu ca era, na cità china di rancutani ma sparti smaniusa di canciari a so sorti.
