U 23 di maju dû 1974 a squatra dû Barbera, tannu ‘n seri B, s’attruvò a jucari pâ prima vota nnâ finali dâ Coppa Italia contra ô Bulogna.
Tutti pinzàvanu ca era u Palermu c’avìa a vìnciri, ma un fattu strammu canciò a sorti dâ partita: l’àrbitru Sergio Gonella ci detti un riguri ô Bulogna p’un fallu di Ignazio Arcoleo ncapu a Giacomo Bulgarelli ca ‘un cci fu pi daveru.
Fu ḍḍu riguri a fàrici pèrdiri a partita ô Palermu, ma ḍḍa partita arristò pi sempri nnâ storia comu “a Coppa scippata”, un pinzeri ca macari oji abbrucia nnê cori dî palermitani.
